終於的起心肝開左esdlife既wow

今日終於的起心肝開左esdlife既wow!! 將所有以前既blog一次過post曬上去wow~~因為我都想同多Ｄ人分享我既結婚籌備過程 =)

Alexander Hera 開會加試衫

今日上Alexander Hera開會加試衫。上到去先叫 Sunny 唔好按鐘住，影一影個門口先。

之後就有人出黎開門比我地，帶我地入房。佢地又好似expo咁忙啦！我地Sunny 準時到，但都等左佢地１０分鐘。佢地話攝影師剛係南生圍影完相，趕緊返黎，所以要遲１０分鐘。我都明既，所以一邊睇相一邊等，時間都過得好快。

我個攝影師係Sam，長髮好高，都好好人。我同佢講我要一輯有故事既結婚相，唔想為影而影，佢問我同Sunny 相識同求婚經過。傾左好耐，終於定左個rundown，有睇過我個blog都知Sunny 係係Agnes b同我求婚，所以我地都定左個影一影Agnes b，不過當然唔係返過台灣影而係係香港影啦！都好期待呀~ 

開完會之後就睇婚紗，因為佢地個Package係包一條婚紗一條晚裝，所以順手睇埋。佢就係我決定用既婚紗，係沙沙型。美中不足係，晚裝未選好，因為好多我睇相睇中既晚裝比其他新人book左出去影pre-wedding，所以試唔到，要上多去一日Alexander Hera啦!!

無打blog一段時間

無打blog一段時間呀！因為家中有事，分心不下。但依段時間都有攪結婚既野。攪下攪下，由兩年時間籌備變返剩返一年時間。要開始update下個blog先。

唔同既朋友圏做姊妹,會唔會唔好?

其實我都仲未同我既朋友公佈SUNNY同我求婚了,我只係有打BLOG,但宜家開始諗緊搵咩人做姊妹. 我有唔同既朋友圏,每個圏都有一兩個比較交心,但係圏同圏之間既朋友係唔識既,如果一齊做姊妹會唔會無咩火花唔係幾好呀?

場地佈置

我一直都希望場地佈置係用紅紅地同草地色做背景,唔知覺住位SIS 有冇聽過DICA?? 我仲係到諗緊使唔使去多次婚紗展睇場地佈置

今日唔攪結婚，同SUNNY去HIGH TEA

婚紗攝影決定用:　Alexander Hera　
酒店決定用: Harbour Grand Hotel
証婚律師決定用: 岑漢和

用左差唔多半年時間決定好曬大項，真係覺得自己好勁。初初以為只會得自己一個人攪，但SUNNY都陪左我好多。真係好多謝ｌｅｅ個未來老公。

今日唔攪結婚既野，同SUNNY去HIGH TEA 先！

Alexander Hera Pre-wedding 就係我想要的

我同Sunny又黎多次婚紗展啦～　上回講到約左Alexander Hera　既SALES係婚紗展見。雖然佢地話可以帶我地入場，唔使比入場費，但係我都係拒絕左。因為我想再睇多次其他Pre-wedding 既公司先做決定。怕一黎就係去Alexander Hera 會走唔到。

去到婚紗展到先睇左幾間Pre-wedding，有white production, jonnyproduction...但都係唔太鐘意佢地既Style. 最後都係返返去Alexander Hera個BOOTH到。

我一講我同sunny個名，佢地都己經記得我地，仲記得我係電話同佢講過我鐘意ｄ咩，印象分大增。不過... 佢地個BOOTH又多人到無位坐。唔知仲可能以為佢地搵自己員工做媒坐滿個BOOTH。哈哈～我咁諗好衰，其實佢地多人睇多人買我信心都大增嫁。

我最得同個SALES企係到傾傾左成20分鐘先可以有位坐，真係累到我呢~~


我同Sunny睇完佢ｄ相真係好鐘意，因為佢地係有故事式既攝影，又會開會，又會了解新人拍拖同相識經過，我覺得好認真，最緊要係ｄ相靚同有信譽，所以Sunny應承join啦!

Alexander Hera 靚得黎好高貴

今日玩FACEBOOK既時候,見到d fd like左張相好靚。點講呢~ 係靚得黎好高貴、好特別...總知我就係鐘意佢既相.

好奇睇下張相係邊間公司影，點知，原來係Alexander Hera, 我之前係會展已經比佢既相吸引，因為懶既關係，我返到屋企又無專登上網睇Alexander Hera 既野，今日竟然又出現佢地間公司名係我眼前，真係要睇睇。

花左小小時間係佢地個網站同FACEBOOK到，比左ｄ相Sunny睇，我地都好鐘意。我打左電話去問價錢，知道佢地過幾日會有wedding expo，而且婚紗展價錢會便d，所以我會同Sunny去多次６月個婚紗展。

到時睇多ｄ佢地既作品先做決定。

Wow blog

籌備左自己個婚禮都有５個月，剛剛先發現好多新娘子都鐘意係ESDLIFE寫blog，等我剩係用google blog添

我都要開返個Wow blog....咁先可以同其他準新人多ｄ交流

北角 Harbour Grand Hotel

決定左酒席啦！最後選擇左BOOK 北角 Harbour Grand Hotel 。因為我最鐘意都係佢地個場，我鐘意佢地d LED 燈，可以選自己鐘意既顏。

好開心呀！鐘意都決定好一個大項，下星期就過數比佢地。之後就係場地佈置同Pre-wedding.

其實個場都夠靚，都唔係好駛點佈置啦！我自己覺得最重要係個Stage，因為個個都會係到同新人影張相。我諗我餘下Budget會放多ｄ係Pre-wedding同個Stage既佈置到。


有靚既酒店，當然要有靚既相配襯。我到依家仲係掛住上次係婚紗展因為人多睇唔到既Alexander Hera。下一次婚妙展係6月，到時一定要去睇。好以暫時都搵唔到有其他婚紗攝影公司係一見到就比到我好鐘意既感覺。

唔知有冇SIS可以比多ｄ意見我呢？

婚紗展: Pre-wedding

我同Sunny 都覺得Pre-wedding 都係其中一項大項，所以都要小心ｄ去做決定。

同Sunny 先係婚紗展睇酒席，睇完之後就睇Pre-wedding。

一去到婚紗攝影區，就比蒙羅麗莎捉住左，坐左成都有45分鐘!! 可能係第一次聽，所以用多左少少時間，加上佢地ｄ相都幾靚，所以佢係咁比相我睇我都無ｓａｙ　ｎｏ。

最後我當然係無ｊｏｉｎ啦！一來我有時間慢慢睇，二來佢地ｄ相都唔係我想要既野。我唔想ｄ朋友一見到我ｄ相就知我係蒙羅麗莎影，因為蒙羅麗莎出名係罐頭相，個個都係同一個pose同景。我都希望我同Sunny既相會特別ｄ，紀念價值高ｄ。

之後再行入去睇其他，都無再坐底聽過佢地Sales，因為真係好怕又要聽多45分鐘。

但其實有一間我都好鐘意，我離遠見到佢既相已經覺得好靚好舒服好唔同。不過行到過去想睇既時候，竟然無人得閒埋我地......因為多人多到佢地d sales 都埋我唔到。間野好似係叫Alexander Hera. 因為都差唔多８點，我同Sunny都累，所以無等佢地就走左。

反正都會再去多次婚紗展，就下次先再去睇啦！但唔知點解我好似覺得Alexander Hera個名有Ｄ熟，可能係雜誌或者ＦＡＣＥＢＯＯＫ見過佢既廣告。要開始係Pre-wedding 著手啦！！

婚紗展: 證婚

上回講完酒席，今回講證婚。

其實用邊個律師分別真係唔好大。加上上網睇過一篇講婚禮監禮人的blog，打左個底，才去選擇。所以用左好短時間就同ｓｕｎｎｙ決定用岑漢和律師。

聯絡方法:
手機: 97579071
電話: 36679129
傳真: 36679002
電郵: woshum@yahoo.com.hk

其實好多人個ｂｌｏｇ都有讚佢，你地自己ｓｅａｒｃｈ　啦！

婚紗展: Hotel

婚紗展真係好多人，排隊都差唔多用左半個鐘。Sunny陪我傾計傾足半個鐘～

有家姐教路，所以我地都好有策略行婚紗展嫁！！

今日有3個目的，做完就走

1. Hotel
2. 証婚
3. Wedding photographer

其實Hotel 選擇唔係好多，因為我同Sunny都係住係港島區，所以都想間Hotel 喺係港島。有3間我都鐘意

1. 北角 Harbour Grand Hotel ( 中文太長，唔寫喇 )
2. 太古 EAST HOTEL
3. Conrad Hotel 港麗酒店

3間都問左有期，價錢都可以，因為我地都預左一定budget比酒席同婚紗攝影。我諗我會同家姐傾下，聽完佢意見再問多資ｓｕｎｎｙ就會決定。

覺得好滿足添！

Sunny 陪我去 4月婚紗展^^

我岩岩先知4月有個婚紗展，家姐叫Sunny 點都要同我去，因為佢話其他野都可以慢慢黎，但係酒席就一定要睇先。

好開心，Sunny 話可以請假陪我去，太好lu!!　我都有一兩間心水酒店。希望價錢唔好太貴同最重要係有期 ^^

婚禮主題：豬豬

最新開始諗緊用咩婚禮主題，其實所謂既諗緊都係一個星期諗５至６分鐘，哈哈！

Ｓｕｎｎｙ話我點都係用豬做主題，點解？因為我鐘意豬，ｓｕｎｎｙ鐘意我，咁ｓｕｎｎｙ就會鐘意豬。最巧合係我地倆個生肖都係豬。豬又得意又笨，都幾好。

如果結婚時候用ｌｅｅ倆隻豬都唔錯丫，好浪漫同可愛＝）

買左人生第一本結婚書

今日買左人生第一本結婚書，都幾多選擇，唔係好知邊本最好。Ａｌｌ　ａｂｏｕｔ　ｗｅｄｄｉｎｇ都唔錯，所以買黎睇下有咩好推介。

一本書都己經有好多野睇，酒席、攝影、化粧、婚紗、佈置、花車、渡蜜月...真係樣樣都有，早知就唔駛同家姐去百利。好彩未去金都，因為買多幾本書都可以唔駛去金都。睇書都已經有好多選擇。

家姐陪我去百利

今日家姐放假，陪我去百利睇結婚用品。

百利真係一個好集中既商場，不過我都無特別野睇得岩。佢話下個月有時間可以去金都睇下，了解多Ｄ價錢同質素，第日行婚紗展就會大概知邊Ｄ好邊Ｄ便。

話無野睇都行左２個鐘，主要係睇場地佈置，化粧，婚紗，婚紗攝影。因為我婚期係２０１４年，所以Ｄ　ＳＡＬＥＳ都唔係好ＨＡＲＤ　ＳＥＬＬ。

行完百利就去紅磡食好出名既時薪，佢Ｄ漢堡包好好味嫁～　

婚紗展

係咪每一對快要結婚既情侣都會去婚紗展既呢? 因為攪結婚既野先知婚紗展差唔多會個月都有。哇!! 個個去曬我咪好唔得閒?? 究竟應該點好呢!!

UM..... Sunny咁忙都唔會有時間去。佢話我鐘意點就點，可以我自己去一次先，拎Ｄ單張返黎比佢睇..... 唯有係咁啦！

哈哈！等我捉家姐一齊去先。

擇日

因為我地唔係好識結婚擇日，所以未來奶奶比左我同Sunny個時晨8字大師擇日。

係2014年2月，佢有幾個時間比我地搵酒店，邊個時間搵到酒店就係佢啦！

hey 好求其嗎？ 家姐話頭，咩都唔趕，無場地就唔駛結婚la ><

但其實我仲有2年先結婚, 仲有700日.... 會唔會太早準備呀??

要開始準備啦!!

今次個台灣之旅太開心啦！真係唔想返工住 ><

不過我心情仍然係好靚, 因為 Sunny 對我求婚既畫面仲係我個腦到。

唔知其他sister會唔會都係咁既呢 ？


其實我仲未對外公佈我地要結婚嫁～不過雙方家長就已經知道左, 當然係開心到彈起啦! ^^

我家姐同我講,黎緊我會有排忙啦！原來佢話結婚有好多野攪，所以我要開始準備啦!


我真係好懶嫁, Sunny 又忙 ..... 家姐一定要幫幫我呀呀!! 

Sunny 終於同我求婚

今個情人節真係浪漫.....Sunny 佢終於同我求婚.....

求婚方法,就係拍戲常見既最簡單直接方法

其實我地今個情人節係係台灣渡過, 正日Sunny 帶左我去Agnes b cafe. 因為佢知我鐘意食甜品, 所以我一聽到去Agnes b cafe 都好開心。加上台灣既Agnes b cafe 好靚好有feel, 比起香港仲要靚, 都想試左好耐=)

入到餐廳, 果然係好靚, 樣樣野都好好食, 我係到諗食咩好既時候, Sunny 話不如試下情人節限定cake, 我一見到就話好, 因為真係好靚好靚.....

睇到lee到我諗各位sister都估到求婚方法.....求婚介指就係個靚靚cake 入面。見到介指後，鮮花就送上, Sunny就下跪lu....而我....已經開始又笑又喊.....

雖然唔係D咩好特別既求婚方法, 但我已經好滿足。我就係喜歡佢事事都安排得好妥當，了解我既喜好,飲食.....如果唔係求婚過程都唔會咁順利!!

就係咁....我就答應左做佢既譚C奶~~